شيرين عبد الوهاب تكشف حقائق صادمة عن ممارسات حسام حبيب معها

كتبت: آلاء محمود

تحدثت الفنانة شيرين عبد الوهاب عبر برنامج كلمة أخيرة، في مداخلة هاتفية مع لميس الحديدي، حيث كشفت عن كواليس خلافها مع طليقها الفنان حسام حبيب، قائلة "أنه طلب مني 10% من أرباح شغلي....أنا أتجوز قرد ومارجعش ليه تاني، ومش عايزة أعرف حد اسمه حسام تاني".

أضافت "أنا استاهل الضرب عشان طلعت قلت ما بياخدش مني فلوس أنا آسفة للناس عشان كدبت عليكوا وهتعب عشان أرجع من جديد لشيرين اللي ضيعتها، وعلاقتي مع حسام حبيب عمرها ما كانت حب".  

متابعة: أنا ست بخلف وزي الفل... لكن قعدت 4 سنين ومخلفتش منه ربنا مأردش الخلفة منه ليه؟؟ عشان أكيد ربنا حاميني منه، حسام حبيب كان بيضربني ويشتمني وكان بينكد عليا لما أعمل حفلة. عشت 4 سنين مع حسام حبيب كنت زي الفار اللي محبوس في مصيدة... مكانش عنده شغلة ولا مشغلة. حسام حبيب لا يعرف إلا حب الامتلاك وأنا بطبعي بحب أبقى خدامة الراجل اللي عايشة معاه.

مُكملة: حسام حبيب طول عمره مابيشتغلش، كنت متكفلة بمصاريف بيته التاني ووالدته ووالده ولما بنزل أغاني وتنجح كنت بكسر السم اللي ممكن يطلع من أمه وادفع فلوس ليهم، دلوقتي جاي يطالبني بـ10% من أعمالي الناجحة ويقولي حقي، ده واحد عاطل بالوراثة.

أضافت: حسام حبيب هددني بالقتل وسرق عربيتي وهقاضيه وكرهت اسم "حسام" بسببه وممكن أتجوز قرد أو فيل ولا إني أرجعله.

كانت شيرين قد نفت كل تلك الاتهامات سابقًا، حيث أشارت إلى أن حسام حبيب لم يستولي على أموالها في أي وقت من الأوقات قائلة: "بصراحة حق الله أن حسام عمره ما أخد مني فلوس ولا استفاد مني ماديًا بل بالعكس تمامًا أنا معرفتش أحوش  فلوس ليا غير لما اتجوزت حسام عشان كان بعكس اللي بيتقال تماما وهو كان بيحافظ على مالي ودي صراحة عشان دي حاجة هتسأل عليها قدام ربنا"، لتعود اليوم وتؤكد كل تلك الاتهامات.