حكاية الفنان أحمد زكي مع العالم الموازي

كتبت: أسماء خالد

 ما هو العالم الموازي؟. وهل للعالم الموازي وجود أم أنه خيال علمي؟. 

العالم الموازي هو مجموعة من الأكوان غير القابلة للظهور وتشبه كوننا هذا تفرَّعت منه بطريقة فيزيائية، والعالم الموازي ليس قصة خيالية، أو خرافة يتناقلها البعض، حيث توجد نظريات علمية وهناك أُناس انتقلوا وعاشوا في العالم الموازي وأقرب مثال لخوض هذه التجربة الممثل أحمد زكي وهناك تسجيل صوتي يحكي فيه هذه التجربة حيث صرح فالتسجيل الصوتي وقال "أنا كنت نايم على سريري ومسترخي، وحاسس بذاتي، فجأة لقيتني بتفرج على حاجة زي غزل البنات كدة ملامحي جميلة جدا وبشكل لطيف حاجة زي غزل البنات هو فوق أنا عندي الجو حر، واللي فوقي ربيع وفجأة لقيت هذا الغزل بنات اللي هو رأسي وجسمي فجأة دخلت جسمي ونترني من السرير واترميت مالسرير جهازي العصبي عمل كدة جريت فالشارع ورجعت تاني حطيت نفسي تحت الدش ومش عارف أي الحادثة إللي حصلت". 

ذهب الممثل أحمد زكي بعد هذه التجربة لدكاترة نفسيين قالو له إنها مؤشرات العقل والمخ، والأعصاب. 

وذهب للشيخ الشعراوي وقال له بالنص "ربنا بيحبك أنه وراك حاجة مش بيوريها لحد". 

وبعد هذه التجربة بعشر سنوات ذهب أحمد زكي لعمل عملية في لندن ودخل لإجراء العملية وكان مرتبط بصلاح جاهين جدًا كصديق، وكابن عزيز له، وصرح الممثل أحمد زكي وقال في تسجيل صوتي "في العناية المركزة بفتح عنيا لقيت نفس غزل البنات اللي من عشر سنين، وشوفت صلاح وعينيه قلقانه زي ما يكون بيطمن عليا، وراح  اختفى أنا استغربت وقفلت عينيا وأخدوني على أوضة تانية ومكنتش عايز أقول لحد حاجة خارج من عملية وتعبان بقا وعايز أطمن على صلاح بس تعبان، ولسه خارج من عملية بعدين قعدت أحلل مع نفسي يمكن ده في اللاشعور لإني كنت بفكر في صلاح وفي تعبه بس أنا شوفته وبعدين لقيتهم شالوا عني التلفون وقالوا ممنوع الموبيلات، وعاملين حظر عليا محدش يدخل يقولي، بعدين فيه راجل دخل قالي صلاح جاهين مات، إزاي؟، أنا شوفتوا. 

لم أفصح عن هذا الموضوع لأحد، وابتديت أبحث لقيت صلاح جاهين يوم ما مات في الساعة كذا وف نفس اللحظة اللي شوفتوا فيها بس قولت مش هسأل حد وهكتفي بالكتمان".